Koh 22 hun-cheng 40 tō kàng-lîm
35 hit nî siūⁿ beh siá siáu-soat
thoa kàu 36 hòe chiah kā siá--chhut-lâi
35 hòe ê Tâi-oân cha-bóo-lâng
Bô chù-ì, tō kiâⁿ kàu 40
40 sī jîn-seng tiōng-iàu ê sòo-jī
Si-jîn tiāⁿ-tiāⁿ án-ne siá si kì-liām
40 sī 20 ê chi̍t-pòaⁿ
40 sī 80 ê chi̍t-pòaⁿ
40 ê chi̍t-pòaⁿ ka 40 tō sī 60
20 hòe ê sî sī 1990
1990 ê Tâi-oân í-keng kái-tû kài-giâm
1990 ê Tâi-oân tng beh cheng-chhái
1990 ê Hongtin tng leh piàⁿ-miā tha̍k-chheh
1990 ê 6 go̍eh Hongtin Góo-choan chhut-gia̍p
1990 ê 9 go̍eh Hongtin khì Tâi-pak tha̍k tāi-ha̍k
1990 ê Hongtin tng leh ūi jîn-seng hùn-tàu
1990 ê Hongtin tng leh ūi lôan-ài chhau-hôan
1990 ê Hongtin tùi bī-lâi ū chin chōe ê siàu-siūⁿ
1990 ê Hongtin tùi hiān-si̍t ū kài chōe thé-giām
1990 ê Hongtin jit-sî siōng-pan àm-sî tha̍k-chheh
1990 ê Hongtin ta̍k-àm lóng thiám kah the leh tō khùn--khì
40 hòe sī 2010 nî ê khai-sí
Tùi jîn-seng iû-gôan ū kài chōe siàu-siūⁿ
Tùi hiān-si̍t ê khó-giām lú lâi lú bân-phôe
Iû-gôan ū ài-jîn ê chhau-hôan
Sī kóng ài-jîn í-keng m̄-chai hōaⁿ kòe kúi-ê
Ka-chài chit-má ê ài-jîn sī kiáⁿ-jî ê lāu-pē
1990 kan-nā ū lāu-pē kap lāu-bú ê ài
2010 koh ū cha-bóo-kiáⁿ kap hāu-siⁿ ê pôe-pōaⁿ
Kám-siá Chú, Siōng-tè, Thiⁿ-kong-peh-á
Sù-hōo góa chit khóan ê hēng-hok jîn-seng
Chiâⁿ-chòe chit ê ū chì-khì koh khéng phah-piàⁿ ê
Tâi-oân chheng-liân Hongtin ē kè-siok ǹg chêng kiâⁿ
Koh 1 hun-cheng 40 tō kàng-lîm
留言列表